Ես քեզ լսում եմ
Մենք տարբեր ենք, բայց ունենք նույն խնդիրները։ Հաճախ վախենում ենք բարձրաձայնել դրանք կամ համապատասխան լսող չենք ունենում։ Սա հարթակ է, որտեղ քո ձայնը լսելի կլինի և կգտնի հասցեատիրոջը։
Эпизоды
Ես սկսնակ եմ
Ի՞նչ է լինում, երբ դեռ նոր ենք սկսում, երբ ամեն ինչ չի ստացվում այնպես, ինչպես պատկերացրել էինք, կամ երբ մեզ թվում է՝ բոլորը մեզնից առաջ են անցել։Այս էպիզոդում խոսում ենք սկսելու, սովորելու, սխալվելու և սեփական ճանապարհը գտնելու մասին։
Ձանձրույթ
Երբ մի քանի րոպե ազատ ժամանակ ենք ունենում և անմիջապես փորձում ենք այն ինչ-որ բանով լցնել, իրականում ինչի՞ց ենք փախչում՝ ձանձրույթի՞ց, թե՞ ինքներս մեզ հետ մենակ մնալուց։ Ինչի՞ մասին է մեր ձանձրույթն, ու ի՞նչ կարող ենք սովորել։
Ստվերային ես
Մեր մեջ կան կողմեր, որոնք միշտ չէ, որ ուզում ենք տեսնել կամ ընդունել։ Վախեր, նախանձ, զայրույթ, խանդ, անինքնավստահություն, վերահսկելու ցանկություն՝ այն զգացումները, որոնք հաճախ թաքցնում ենք նույնիսկ ինքներս մեզնից։Այս էպիզոդում խոսում ենք մեր ստվերային կողմերի մասին․ ինչու ենք դրանք թաքցնում, և ինչ կարող է փոխվել, եթե դադարենք փախչել դրանցից։
Արտ թերապիա
Պարտադիր չէ միշտ բառերով ասել այն, ինչ զգում ենք։ Այս էպիզոդում կոտրում ենք արտ թերապիայի մասին կարծրատիպերը։ Սա մեզ ճանաչելու լավ միջոց է, նույնիսկ եթե չունենք ստեղծագործական տաղանդ։
Ինչու՞ չի ստացվում
Ինչո՞ւ ենք երբեմն կառչում մի կապից, որը երբեք իրական հարաբերություն չի դառնում, և ինչպե՞ս հասկանալ՝ շարունակել սպասե՞լ, թե՞ բաց թողնել։ Ինչու՞ չի ստացվում հարաբերություններ կառուցել, կամ ու՞ր է անհետացել քո կատարյալ զուգընկերը։ Փորձենք պարզել այս էպիզոդում։
Վախ ապագայից
Ի՞նչ կլինի վաղը։ Իսկ եթե չստացվի՞։ Եթե սխալ ընտրություն անե՞մ, ուշանա՞մ, կամ չկարողանա՞մ հասնել այն կյանքին, որը պատկերացրել էի։ Սրանք ընդամենը մտքեր են։
Քառորդ կյանքի ճգնաժամ
Բոլորը կարծես գիտեն՝ ուր են գնում, իսկ ես՝ ոչ։ Ինչու՞ ենք ապագա կյանքի մասին հաճախ անհանգստանում հենց երիտասարդ ժամանակ։ Ինչպե՞ս կարող ենք օգնել ինքներս մեզ և օգտվել ստեղծված իրավիճակից։
Ի՞նչ կմտածեն մարդիկ
Ինչո՞ւ է ուրիշների կարծիքը երբեմն դառնում մեր որոշումների գլխավոր չափանիշը։ Ի՞նչ կմտածեն մարդիկ։ Կմտածեն այն, ինչ ուզում են։
Կապվածություն
Ինչո՞ւ ենք որոշ հարաբերություններում անընդհատ վախենում, որ մեզ կլքեն, իսկ ուրիշ հարաբերություններում՝ հակառակը, փորձում ենք հեռավորություն պահել։ Կապվածության ոճը դատավճիռ չէ, այլ մի բան, որի վրա հնարավոր է աշխատել։
Հետտրավմատիկ սթրեսային խանգարում
Երբեմն թվում է՝ ամեն ինչ արդեն անցել է, սակայն մի ձայն, հոտ, պատկեր կամ իրավիճակ կարող է նորից վերադարձնել նույն վախը, լարվածությունն ու անօգնականության զգացումը։ Սա պարզապես վատ հիշողություն չէ, որոշ մարդկանց համար այն կարող է լինել հետտրավմատիկ սթրեսային խանգարում։
Մեղքի զգացում
Մեղքի զգացումը կարող է լինել մեր խղճի ձայնը, բայց երբ այն սկսում է խոսել մեր փոխարեն, մենք այլևս չենք ապրում, մենք անընդհատ փորձում ենք զղջալ։ Սխալ թույլ տալը հավասար չէ վատ մարդ լինել։
Սոցիալական հմտություններ
Իսկ դուք երբևէ տագնապ զգացե՞լ եք հեռախոսազանգ կատարելիս։ Սոցիալական հմտությունները միայն շփվող կամ ազատ լինելու մասին չեն։ Դրանք համագործակցելու, միմյանց հասկանալու, զարգանալու ու զարգացնելու կարողություններ են։ Եթե զգացել եք, որ խոսելու շատ բան ունեք, բայց բառերը չեն գալիս ճիշտ պահին, կամ մտածել եք, որ սխալ բան կասեք, այս էպիզոդը հենց ձեզ համար է։
Ինքնազարգացում
Ինքնազարգացումը ընտրություն է... Բայց թե ինչն է կանխորոշում այս ընտրությունը մեծ հարց է։ Գուցե այն բովանդակությունն է, որ սովորել ենք սպառել ամեն անգամ ռիլեր թերթելիս, գուցե այն բոլոր մոտիվացիոն խոսքերն են, որ լսել ենք ֆիլմերում։ Իսկ եթե իրապես հաջողակ ենք, ինքնազարգացման մասին մեր ներքին ձայնն է հուշում։
Սեպարացիա
Մինչեւ ծնողներին մեղադրելը կարելի է հարցնել՝ իսկ ի՞նչ եմ ուզում ես, արդյոք պատրաստ եմ պատասխանատվություն կրել։ Իսկ եթե այս հարցերը դիսկոմֆորտ առաջացրին, ուրեմն այս էպիզոդը քեզ համար է։ Քանի որ սեպարացիան միայն թողնել գնալը չէ, ոչ էլ ինքնանպատակ ըմբոստությունն ու անտեղի կոնֆլիկտները։
Մանկական տրավմա
Եթե երբևէ քեզ թվացել է, որ ինչ-որ բան չես կարողանում բաց թողնել, հնարավոր է պատասխանը հենց այստեղ է։ Հասկանալու ժամանակն է՝ առանց մեղադրանքի։ Որպեսզի վերջապես կարողանանք ճանաչել այն, ինչ չենք հասցրել տեսնել փոքր ժամանակ։
Overthinking
Մտքեր, որոնք չեն լռում։ Սցենարներ, որոնք երբեք չեն իրականանում։ Հարցեր, որոնց պատասխանները փնտրում ենք ժամերով, օրերով, երբեմն՝ տարիներով։ Մենք ունենք իրավունք չհավատալու մեր իսկ մտքերին։ Ինչպե՞ս անել դա՝ լսեք էպիզոդում։
ADHD
Չկարդացած հաղորդագրություններ, կիսատ թողած գործեր, անվերջ հետաձգումներ, կորցրած իրեր, մտքեր, որոնք չեն լռում, և այն զգացողությունը, որ բոլորն ամեն ինչ հասցնում են, իսկ դու՝ ոչ։ Շատերի համար ADHD-ն պարզապես տիկտոկյան թրենդ կամ «չեմ կարողանում կենտրոնանալ» արտահայտությունն է։ Բայց իրականում այն կարող է ազդել կյանքի գրեթե բոլոր ոլորտների վրա՝ ուսումից ու աշխատանքից մինչև ընկերություն, ընտանիք և ինքնա
Առողջ հարաբերություններ
«Եթե սիրում է, պիտի հասկանա առանց խոսքերի»«Եթե սիրում է, կընդունի ինձ այնպիսին ինչպիսին ես կամ»Այս էպիզոդում խոսում ենք այն մասին, թե ինչն է իրականում դարձնում հարաբերություններն առողջ, ինչպես ճանաչել կախվածությունը, վստահությունն ու անձնական սահմանները՝ սիրելով դիմացինին։
Օգնիր ինձ
Երբ ներսումդ ամեն ինչ խառն է, բայց դու շարունակում ես համոզել բոլորին, ու հատկապես քեզ, որ ամեն ինչ վերահսկում ես։ Ինչու՞ է օգնություն խնդրելը մեզ համար երբեմն ավելի դժվար, քան միայնակ կոտրվելը։ Ինչու՞ ենք վախենում ծանր դառնալ ուրիշների համար, և ինչու՞ ենք սովորել լռել նույնիսկ այն ժամանակ, երբ ամենաշատն ունենք մեկի կարիքը։
Անձնական սահմաններ
Ինչո՞ւ ենք երբեմն «ոչ» ասում միայն մտքում, բայց իրականում համաձայնում ամեն ինչի։ Այս էպիզոդում գծելու ենք մեր անձնական սահմանները՝ ընտանիքում, հարաբերություններում, ընկերների հետ ու նույնիսկ աշխատանքի վայրում։ Իսկ հետո կմնա ամենակարևորը՝ պաշտպանել դրանք։
Փոփոխություն
Քանի՞ անգամ ենք ասել՝ դեռ պատրաստ չեմ։ Ի՞նչ է նշանակում պատրաստ լինել։ Կյանքում փոփոխությունները գալիս են անկախ մեր պատրաստվածությունից, կարևոր է բաց լինել դրանց առաջ։
Առաջնորդություն
Ինչ-որ պահի կանգնում ես բարդ ընտրության առաջ․ պատասխանատվություն կրել և առաջնորդել, թե սպասել հարմար առաջնորդի։ Պատասխանը կարող է կամ ներսից գալ, կամ մկանի պես մարզվել ու դառնալ նոր հմտություն։ Գուցե վերջում պարզվի, որ առաջնորդությունը սկսվում է շատ ավելի պարզ տեղից, քան մենք կարծում էինք։
Ուրախություն
Ուրախություն․ պարզ, բայց երբեմն դժվար հասանելի զգացողության, որը բոլորիս պետք է։ Արդյո՞ք այն կախված է արտաքին պայմաններից, թե՞ գալիս է ներսից։ Ինչպե՞ս ենք մենք սովորում նկատել փոքր ուրախությունները սովորական առօրյայում։ Այս էպիզոդում միասին ուրախանում ենք։
FOMO
Ձեզ թվում է, թե ոչինչ չեք հասցնում, չէ՞։ Բոլորը հաջողակ են ու կայացած, իսկ դուք հետ եք մնում։ Գուցե սա FOMO-ն է ասում, այլ ոչ ներքին ձայնը։ Ի՞նչ վախ է սա և ինչու՞ է հայտնվում՝ Ես քեզ լսում եմ փոդքասթի այս էպիզոդում։
Համեմատություններ
Ո՞վ եմ ես, երբ ոչ ոք ինձ չի տեսնում։ Հաճախ մենք գնահատում ենք մեր արժեքը հաշվի առնելով համեմատություններն ու ակնկալիքները, որ հասարակությունը պարտադրում է մեզ։ Իսկ ի՞նչ կլինի, եթե մի կողմ դնենք բոլոր պայմաններն ու սիրենք մեզ անպայման։
Զայրույթ
Ե՞րբ ես վերջին անգամ ի սրտե զայրացել։ Գուցե լաց ես եղել, բղավել ես կամ ուղղակի լռել։ Մենք արտահայտում ենք մեր հույզերը յուրովի, խնդիրը սկսվում է, երբ կուտակում ու թաքցնում ենք դրանք։
Զիջե՞լ, թե՞ չզիջել
Ի՞նչ է կատարվում, երբ երկուսդ էլ չեք ուզում զիջել: Զիջելը կարող է լինել ուժի դրսևորում, ոչ թե թուլություն, բայց կարմիր գծերը չարժե անցնել:
Թող բոլորն ինձ սիրեն
Ի՞նչ է կատարվում, երբ «ոչ»-ը պահում ես ներսումդ միայն թե չհիասթափեցնես շրջապատիդ և շարունակես լինել սիրված ու ընդունված։ Իսկ ի՞նչ կլինի, եթե մի օր բաց թողնենք բոլորին դուր գալու մոլուցքը ու բավարարվենք ինքներս մեզ սիրելով։
Սխալներ
Երբևէ եղե՞լ է, որ ինչ-որ բան չես արել միայն այն պատճառով, որ վախեցել ես սխալվել։ Սխալվելը միշտ չէ, որ բացասական ազդեցություն է ունենում մեր կյանքի վրա, հաճախ սխալները լավագույն ճանապարհն են դառնում նոր բացահայտումների համար։
Պրոդուկտիվություն
Չաշխատել դեռ չի նշանակում հանգստանալ։ Սոցիալական մեդիան մեզ հուշում է, որ միշտ զբաղված լինելը նորաձև է, ու կանգ առնելու դեպքում ոչինչ չենք հասցնի։ Սակայն փորձը ցույց է տալիս, որ ավելորդ պրոդուկտիվությունը կարող է թունավորել մեր ամբողջ կյանքն ու առօրյան։
Տխրություն
Հույզերի հետ ծանոթանալն ու ընկերանալը կարող են մեծ փոփոխությունների սկիզբ լինել։ Այս էպիզոդում միասին տխրելու ենք, չենք փախչելու և չենք մերժելու այս զգացողությունը, ընդունելու ենք և առողջ տխրենք։
Մոտիվացիա և ծուլություն
Մոտիվացիան ու ծուլությունը սիրում ենք դնել կշեռքի հակառակ կողմերում, բայց կարո՞ղ եք պատկերացնել՝ ինչ կլիներ, եթե հաշտ լինեինք երկուսի հետ էլ։ Եթե ծուլանայինք ու ոչինչ չանեինք, երբ դրա կարիքն իրապես կա, և չսպասեինք մոտիվացիային առաջին քայլն անելու համար։
Ճգնաժամ
Յուրաքանչյուրիս կյանքում էլ գալիս է մի պահ, երբ մոլորվում ենք ու չգիտենք՝ ով ենք մենք, ինչ ենք ուզում և ինչու։ Այս էպիզոդում անցնում ենք մեր երիտասարդության ճգնաժամերի միջով միասին և փորձում ենք դրանք դարձնել ավելի առողջ հոգեբույժ-հոգեթերապևտ, փորձագետ Անետա Մելքոնյանի հետ։
Ես բավարար եմ․ մեր ներքին քննադատը
Եթե գլխումդ հնչող ձայներից մեկը քեզ ասում է, որ դու բավարար չես, շնորհավորում եմ, դու ևս ունես ներքին քննադատ։ Մի շտապիր նրանից ազատվել, այն ստեղծվել է, որ մեզ պաշտպանի։ Այս էպիզոդում ծանոթանում ենք նրա հետ պրակտիկ հոգեբան Հրաչուհի Առաքելյանի օգնությամբ։
Ասել՝ ոչ
Ե՞րբ եք վերջին անգամ ասել` ոչ: Մերժելը պահանջում է խիզախություն, մեղքի զգացման հետ աշխատանք և հստակ սահմաններ: Այս էպիզոդում Ես լսում եմ, թե ինչպես ես ասում` ոչ, հոգեթերապևտ Մարիա Զաքարյանի հետ:
Ամանոր
Այս էպիզոդը ոչ թե խնդիրների, այլ մեծ երազանքների մասին է։ Ամանորն այն շրջանն է, երբ նույնիսկ մեծերը նորից երեխաներ են դառնում, ու հավատում են, որ ինչ-որ տեղ կա մեկը, ով լսում է ու իրականացնում իրենց երազանքները։ Մեր հյուրը Ձմեռ Պապիկն է։
Վախ և տագնապ
Գիշերը, երբ ամեն ինչ լռում է, վախերն ու տագնապները սկսում են բարձր խոսել։ Հնարավոր բոլոր վատ սցենարները դառնում են «իսկ եթե»-ներ, իսկ հետո՝ անհանգստացնող սրտխփոց։ Ծանո՞թ զգացում է։Այս էպիզոդում հոգեբան, հոգեթերապևտ Մերի Ախոյանի հետ խոսել ենք վախերի մասին՝ այն անհասկանալի անհանգստությունից, որը հանկարծ հայտնվում է առանց պատճառի, մինչև տագնապը, որ մեզ հետապնդում է առօրյա կյանքում։
Մենակություն
Ոմանց համար մենակությունը վախեցնող տարածք է, ուրիշների համար՝ ամենաապահով զգացումը։ Այս էպիզոդում գեշտալտ թերապևտ, ճգնաժամային հոգեբան Դիանա Սուքիասյանի հետ խոսել ենք մենակության բոլոր փուլերի մասին՝ վախից մինչև կոմֆորտ, անհանգիստ մտքերից մինչև ինքնաճանաչում։ Եթե երբևէ մտածել ես՝ «ինչի՞ եմ ինձ հետ մենակ մնալուց նեղվում» կամ «ինչի՞ եմ բոլորից փախչում», այս էպիզոդը հենց քեզ համար է։
Ճամփորդություններ
Յուրաքանչյուր ճանապարհորդություն հնարավորություն է բացահայտելու աշխարհն ու ինքդ քեզ: Այս էպիզոդում Girly Trips-ի հիմնադիր, travel բլոգեր Հասմիկ Ներսեսյանի հետ պատրաստվել ենք ճամփորդության` բացահայտելով բոլոր խնդիրներն ու վախերը:
Մարզից՝ Երևան
Մարզից Երևան՝ նոր կյանք, նոր ռիթմ, նոր փորձ. ամեն բան արագ է, վառ ու մի քիչ շփոթեցնող։ Այս էպիզոդում խոսել ենք Գոհարիկ Հովհաննիսյանի հետ, ով հաջողությամբ անցել է ինտեգրացիան: Միասին փորձել ենք հասկանալ՝ ինչ դժվարություններ ու մարտահրավերներ են սպասում նոր միջավայրում, ինչպես գտնել ընկերներ ու չմոռանալ մարզի մասին:
Քննություններ
Գիշերվա կեսին, անտանելի գլխացավով ու սուրճի մի քանի բաժակով շրջապատված երիտասարդը վստահաբար քննության է պատրաստվում․ անխուսափելի փուլ յուրաքանչյուր ուսանողի համար։ Այս էպիզոդում նախկին ուսանող Աննա Հովհաննիսյանի հետ փորձել ենք թեթևացնել քննական շրջանը, օգտակար հնարքներ առաջարկել և սովորել քննություններին մի քիչ հանգիստ նայել։
Հարաբերություններ
Ժամանակի հետ հասկանում ենք, որ հարաբերությունները ոչ միայն ռոմանտիկ պահերն են, այլև ամենօրյա աշխատանքն ու ներդրումը ապագայի մեջ։ Այս էպիզոդում հոգեթերապևտ Նանա Փամբուխչյանի հետ անկեղծորեն խոսել ենք մեր սպասումների, վեճերի և սիրո մասին։
Առողջ ապրելակերպ
Ոչ ոք չի արթնանում առավոտյան՝ պատրաստ ամբողջ օրը ուտել բրոկոլի ու գնալ վազելու։ Երբեմն ուզում ես պարզապես հանգստանալ, ու դա նորմալ է։ Այս էպիզոդում սննդաբան, մարզիչ Հովհաննես Բաբաջանյանի հետ խոսել ենք, թե իրականում ինչ է նշանակում ապրել առողջ և ինչպես փոքր քայլերով կարելի է մեծ փոփոխություններ բերել առօրյա կյանք։
Ժամանակի կառավարում
Աշխատանք, դասեր, ընկերներ ու բազմաթիվ հետաքրքրություններ․ մի պահ թվում է՝ ամեն ինչ անցնում է մեր կողքով, և ոչինչ չենք հասցնում։Այս էպիզոդում Աննա Բաղդասարյանի հետ խոսել ենք ժամանակի կառավարման մասին՝ ինչպես հասկանալ, թե ինչն է իսկապես առաջնահերթ, ինչպես ստեղծել սովորություններ, որոնք կօգնեն ժամանակը արդյունավետ օգտագործել։
Ինքնագնահատական
Երբեմն թվում է, թե ինքնավստահ մարդիկ ուղղակի ծնվել են այդպիսին։ Բայց իրականում ինքնագնահատականը ձևավորվում է տարիների ընթացքում՝ մանկությունից, ուսուցչի մեկնաբանությունից, համեմատություններից։ Այս էպիզոդում հոգեվերլուծող Սոնա Հովակիմյանի հետ խոսել ենք, թե ինչու երբեմն չենք հավատում մեզ, և որն է առողջ ինքնագնահատականը:
Հեռավար աշխատանք
Հեռավար աշխատանքը թվում է երազանք՝ տնից աշխատել զուգահեռ հասցնելով բոլոր կենցաղային գործերը։ Այս էպիզոդում Նարինե Առաքելյանի հետ խոսել ենք, թե ինչպես է փոխվել մեր աշխատանքի ռիթմը, ինչ դժվարություններ ու ազատություններ է բերում հեռավար ձևաչափը, և ինչպես գտնել հավասարակշռություն տան ու աշխատանքի միջև։
Սեռական բռնություն
Սեռական ոտնձգությունները հաճախ չեն սկսվում մեծ բաներից․ մի «կատակ», անցանկալի հայացք, հաղորդագրություն կամ հպում։ Բայց դրանց հետևում իրական խնդիր կա, որի մասին լռել չի կարելի: Այս էպիզոդում Սեռական բռնության ճգմաժամային կենտրոնի նախագահ Տաթևիկ Աղաբեկյանի հետ խոսել ենք, թե ինչ է սեռական ոտնձգությունը, ինչու են շատերը լռում, ու ինչպես կարելի է ստեղծել միջավայր, որտեղ մարդիկ կարող են իրենց պաշտպանված
Անձի բրենդինգ
Անձի բրենդինգը միայն ինստագրամյան էջը չէ, դա այն պատմությունն է, որը պատմում ես քո մասին՝ ո՞վ ես, ինչի՞ն ես հավատում ու ինչո՞ վ ես ուզում հիշվել։Այս էպիզոդում մարքեթինգի փորձագետ Մարիաննա Քաբաբյանի հետ քննարկել ենք՝ ինչ է անձնական բրենդը, ինչպես կառուցել այն առանց հուսահատվելու ու ինչու է կարևոր մնալ իրական ու հետևողական։
Բաժանում
Երբ հարաբերություններն ավարտվում են, թվում է՝ ամեն ինչի ավարտն է եկել։ Բայց ժամանակի հետ հասկանում ենք՝ հենց այդ ցավից է ծնվում ուժը, նոր բացահայտումները ու ինքներս մեզ գտնելու հնարավորությունը։Այս էպիզոդում Վեգա Անդրիասյանի հետ խոսել ենք բաժանումների մասին․ ինչու են դրանք ցավեցնում, ինչպես հաղթահարել ու ինչպես սովորել առաջ շարժվել՝ առանց մոռանալու։
Բիզնես
Բիզնես սկսելն ու վարելը միայն հաջողության պատմությունները չեն․ կան վախեր, ռիսկեր, ձախողումներ ու անընդհատ կրկնվող փորձեր։ Այս էպիզոդում բիզնես խորհրդատու Ասյա Այվազյանի հետ քննարկել ենք, թե ինչ է պետք սկսելու համար, ինչ սխալներ ենք հաճախ կրկնում ու ինչքան կարևոր է փորձելը:
Օնլայն ծանոթություն
«Բարև գեղեցկուհուց» մինչև թինդերյան իրականություն․ օնլայն ծանոթությունների աշխարհը լի է կարծրատիպերով ու վախերով։ Ինչքա՜ն կարևոր է դուրս գալ էկրանից ու իրականում հանդիպել, տեսնել՝ կա՞ քիմիա, թե՞ ոչ։Այս էպիզոդում Նոնա Անդրեասյանի հետ խոսել ենք առաջին նամակների, կապեր ստեղծելու ու հետաքրքիր փորձառությունների մասին։
Նոր միջավայրեր
Սեպտեմբերը միշտ մի քիչ վախեցնում է․ նոր դեմքեր, նոր դասախոսներ, նոր կանոններ։ Ինչպե՞ս հաղթահարել առաջին օրերի լարվածությունը, ի՞նչ անել, որ քեզ ընդունեն, ու ինչպե՞ս չկորցնել քեզ նոր միջավայրում։Այս էպիզոդում մեզ օգնել է հոգեթերապևտ Նանա Փամբուխչյանը:
Կրիպտո
Կրիպտոաշխարհը մի կողմից ազատություն ու նոր հնարավորություններ է խոստանում, մյուս կողմից՝ մեծ ռիսկեր ու կասկածներ։ Այս էպիզոդում BitcoinArmenia կազմակերպության հիմնադիր Էդուարդ Ավետիսյանի հետ փորձել ենք պարզ լեզվով հասկանալ՝ ինչ է կրիպտոն, ինչպես է այն աշխատում, ու արժե արդյոք երիտասարդներին մտնել այդ աշխարհ։
Ոչ ֆորմալ կրթություն
Ոչ ֆորմալ կրթությունը ընտրություն է, որը բացահայտում է բոլորովին նոր աշխարհ՝ կամավորություն, դասընթացներ ու փորձառություններ։ Այս էպիզոդում EduHub երիտասարդական կազմակերպության հիմնադիր Գևորգ Հարությունյանի հետ խոսել ենք, թե ինչ հնարավորություններ կան Հայաստանում ոչ ֆորմալ կրթության համար, ինչպես գտնել բալանսը և միշտ կրթվել։
Հուզական այրում
Աշխատում ես, սովորում, օգնում ուրիշներին, բայց օրերից մի օր ուժերդ չեն հերիքում։ Ու չես էլ հասկանում՝ ինչ եղավ։ Այս էպիզոդում հոգեբույժ, հոգեթերապևտ Տաթև Խաչատրյանը բացատրել է` ինչ է հուզական այրումն, ու ինչպես խուսափել դրանից:
Կիբերանվտանգություն
Կիբերանվտանգությունը տեխնոլոգիական թեմա է, բայց իր հետևանքները շատ անձնական կարող են լինել։ Մեդիափորձագետ, Կիբերհաբի համահիմնադիր Արթուր Պապյանի հետ խոսել ենք՝ ինչ վտանգների առաջ ենք կանգնում առցանց միջավայրում, որոնք են մեր անձնական տվյալները ու ամենակարևորը՝ ինչպես կարող ենք մեզ պաշտպանել առանց խուճապի։
Գիտություն
Գիտությունը լսարաններում փակված չէ․ էպիզոդ մեր առօրյայի ամենաուժեղ, բայց երբեմն անտեսված գործիքի մասին: Ֆիզիկամաթեմատիկական գիտությունների թեկնածու Լուսինե Աբգարյանի հետ քննարկել ենք` ինչու է գիտությունը կարևոր, ինչ խոչընդոտների են բախվում երիտասարդ գիտնականները Հայաստանում, ու ինչպես կարելի է գիտության մեջ հաջողել։
Երևան
Մայրաքաղաքում լինում են դեպքեր, երբ մենք մեզ զգում ենք դիտորդ, այլ ոչ մասնակից։ Երևանի քաղաքապետարանին կից երիտասարդական խորհրդի անդամ Նոննա Հովհանիսյանի հետ խոսել ենք, թե ինչպես կարող ենք դարձնել մեր ձայնը լսելի, քննարկել ենք Երևանի և երիտասարդների հարաբերությունները։
Ֆինանսներ 2
Ֆինանսական որոշումներ կայացնում ենք ամեն օր, հաճախ առանց բավարար տեղեկության կամ հույզերին տրվելով։ Այս էպիզոդում ֆինանսական կրթության փորձագետ Արաքս Մանուչարյանի հետ խոսել ենք՝ ինչի վրա ուշադրություն դարձնել ապառիկ վերցնելիս, երբ է հիպոտեկն իսկապես խելամիտ տարբերակ, ու ինչ սխալներից է պետք խուսափել։
Խաղամոլություն
Երբ խաղը դառնում է ամենօրյա սովորություն, արդեն դժվար է հասկանալ՝ սա զվարճա՞նք է, թե կախվածություն։Այս էպիզոդում հոգեբան, հոգեթերապևտ Արման Բեգոյանի հետ փորձում ենք հասկանալ՝ ինչից է սկսվում խաղամոլությունը, ինչ է կատարվում մարդու օրգանիզմում և ինչպես արձագանքել խնդրին:
Հոգեկան առողջության խնդիրներ
Հաճախ զգում ենք, որ ինչ-որ բան այն չէ, սակայն ժամանակ կամ ռեսուրս չենք գտնում դրանով զբաղվելու համար։ Երբեմն էլ փորձում ենք ինքներս մեզ բուժել՝ համեմատելով համացանցում կարդացած դեպքերի հետ։ Իսկ իրականում… երբեմն ուղղակի վատ ենք մեզ զգում ու վերջ։Այս էպիզոդում հոգեբան, հոգեթերապևտ Մերի Ախոյանի հետ խոսել ենք իմ ու քո հոգեկան առողջության մասին՝ առանց ճնշման ու պարտադրանքի։
Աշխատանքային էթիկա
Որտե՞ղ է անձնականի և աշխատանքայինի սահմանը, ո՞վ է համարվում «լավ» աշխատակից, և ինչպե՞ս արժանանալ հավելավճարի:Այս էպիզոդում ՄՌԿ մասնագետ Աննա Հարությունյանի հետ խոսում ենք Հայաստանում աշխատանքային մշակույթի, թիմում առողջ մթնոլորտի և պատասխանատվության մասին։
Սննդային վարքագիծ
Քաղցա՞ծ ես, թե՞ ուղղակի տխուր: Երբեմն ուտում ենք ոչ թե որովհետև քաղցած ենք, այլ որովհետև հոգնած ենք, տխուր կամ պարզապես մենակ։ Այս էպիզոդը առողջ և անառողջ սննդային վարքագծի, չաշխատող դիետաների ու նախընտրությունների մասին է: Էնդոկրինոլոգ-դիետոլոգ Անուշ Միրզոյանի հետ քննարկել ենք հենց քո պատմությունն ու խնդիրը:
Գենդերային հավասարություն
Այս էպիզոդում խոսում ենք՝ ինչ է գենդերային հավասարությունն իրականում, ինչ կարծրատիպեր են դեռ ազդում մեզ վրա, ու ինչպես կարող ենք ձևավորել միջավայր, որտեղ հնարավորությունը պայմանավորված չէ գենդերով։Այս հարցում մեզ օգնում է ֆենինիստ-ակտիվիստ Արմի Մկրտչյանը:
Երիտասարդ ծնողավարություն
Ծնող լինելու մասին դասագիրք չկա, բայց քննություն հանձնում են ամեն օր: Ինչպե՞ս դառնալ լավ ծնող, երբ բոլորը տալիս են իրարամերժ խորհուրդներ: Այս էպիզոդում երիտասարդ հայրիկ Գրիգոր Հարությունյանի հետ խոսում ենք ծնող լինելու իրականության, ընտրությունների, սխալների ու սիրո մասին։
Ֆինանսներ
Ֆինանսական կրթությունը պարզապես գումարը ճիշտ հաշվելու հմտությունը չէ, այլ կարողություն՝ կայացնելու խելացի որոշումներ, կառավարելու բյուջեն և ունենալու կայուն ու անկախ ապագա։ Ֆինանսական կրթության փորձագետ Արաքս Մանուչարյանի հետ անդրադարձել ենք ֆին․ գրագիտությանը առանց ձանձրալի դասերի․ ինչպե՞ս վերահսկել ծախսերը, խնայել հանուն երազանքի և ներդնել ճիշտ պահին։
Մանկական տրավմաներ
Մանկական տրավմաները չեն մոռացվում, դրանք ձևափոխվում են վախերի, անվստահության ու երբեմն էլ՝ բարկության։ Ինքներս մեզ ավելի լավ հասկանալու և ճանաչելու համար անհրաժեշտ է դրանց հետ հաշտ ապրել։Այս էպիզոդում ընտանիքի և ճգնաժամային հոգեբան, գեշտալտ թերապևտ Դիանա Սուքիասյանի հետ փորձում ենք հասկանալ՝ ինչից են ստեղծվում հոգեբանական տրավմաները, ու ինչպես կարելի է ապրել առանց դրանք մերժելու։
Գերազանցիկի համախտանիշ
Երբ «գերազանց» լինելը դառնում է հոգնեցնող սովորություն, մտածում ես` արդյո՞ք իրականում պետք է ամեն ինչում անթերի լինել։ Որտեղի՞ց է սկսվում գերազանցիկի համախտանիշը ու ինչպե՞ս է խլում ներքին խաղաղությունը։ Այս էպիզոդի հյուրը հոգեբան, հոգեվերլուծող Սոնա Հովակիմյանն է:
Ուսանողական իրավունքներ և պարտականություններ
Գիտե՞ս՝ եթե դասախոսը 15 րոպե ուշանում է, չես կարող տուն գնալ։ Ուսանողի կյանքը միայն քննական սթրեսը չէ։ Մեր իրավունքների ու պարտականությունների մասին զրուցել ենք ՈՒԽ նախկին քարտուղար Ալբերտ Ավետիսյանի հետ։
Ծաղրանք
Երբ կատակը վիրավորում է.․․Ինչի՞ց է սկսվում ծաղրանքը, ինչո՞վ է տարբերվում այն բուլլինգից և ինչպե՞ս պաշտպանվել։ Կյանքի տարբեր փուլերում հանդիպող այս խնդրի մասին զրուցել ենք հոգեբան Անի Ապիտոնյանի հետ:
Հոգեբանական բռնություն
Հոգեբանական բռնությունը անտեսանելի է, բայց դրա հետևանքները շատ իրական են։ Որտե՞ղ է սկսվում մանիպուլյացիան, ինչու՞ են մարդիկ կախված միմյանցից, և ե՞րբ ենք հատում թույլատրելիի սահմանը. քննարկել ենք մեդիահոգեբան Սաթեն Գրիգորյանի հետ:
Մեդիակախվածություն
Հենց հիմա կարդում եք այս տեքստը ձեր էկրաններից` հեռախոսը ձեռքին կամ համակարգչի առջև նստած: Գադջեթներն ու մեդիան դարձել են մեր կյանքի անբաժան մասը` ստեղծելով բազում խնդիրներ, որոնք քննարկել ենք ԵՊՀ Ժուռնալիստիկայի ֆակուլտետի դասախոս, մեդիաուսումնասիրող Զարուհի Սարգսյանի հետ:
Մասնագիտական կողմնորոշում և աշխատանք
Ո՞րն է «քո» մասնագիտությունը, ինչպե՞ս չձախողել հարցազրույցը ու դառնալ լավ աշխատակից. մարդկային ռեսուրսների կառավարման մասնագետ Անի Մերուժանիի հետ քննարկել ենք աշխատանք փնտրողների խնդիրները։
Մենակ ապրել
Հաճախ մեզ թվում է, որ միայնակ ենք, ոչ ոք մեզ չի հասկանում, չունի նույն խնդիրները։ Բայց իրականում․․․Ես քեզ լսում եմ։ Այս էպիզոդը ծնողներից առանձին ապրելու մասին է, մեզ օգնելու է հոգեբան, հոգեթերապևտ Լիլիթ Չոբանյանը։
